«ДІНИ САУАТТЫЛЫҚ – ҚОҒАМ ҚАУІПСІЗДІГІ»

9-11 сынып оқушыларының қатысуымен «Діни сауаттылық – қоғам қауіпсіздігі» тақырыбында теологпен кездесу өтті. Шымкент қаласы дін істері басқармасы «Дін мәселелерін зерттеу орталығының» теолог маманы Жұмаділлә Бексұлтан Жұмаханұлы оқушыларға адамгершілік-рухани тәрбие туралы ақпараттық-ағартушылық жұмыстар жүргізді. Жастарға қоғамдағы теріс ағымдар, қоғамның әлеуметтік, құқықтық, діни сипаттарын ұғындыра отырып, оларды террорлық, лаңкестік және діни экстремистік бағытта арандатуға жол бермеу мәселелерін қозғады. Жасөспірімдерге бейбітшіліктің маңызы мен мейірімділік пен ізгіліктің, адамдарға жақсылық жасай білудің басты ұстанымы екенін ұғындырды.  

Кездесудің басты мақсаты – жас ұрпақты діни экстремизмнің алдын алу барысында атқарылып жатқан жұмыстардан хабардар ету, ұлтымыздың салт-дәстүрі мен ұлттық құндылықтарды насихаттауға, отансүйгіштікке, рухани-адамгершілік пен азаматтық-құқықтық ұстанымын қалыптастыруға, бірлік пен бірегейлікке тәрбиелеу.

Кездесу барысында оқушылар өздеріне қойылған сұрақтарға белсенді жауап беріп, өздері тарапынан да тақырыпқа байланысты сұрақтар қойып, тұшымды жауаптарын алды.